Piczo

Log in!
Stay Signed In
Do you want to access your site more quickly on this computer? Check this box, and your username and password will be remembered for two weeks. Click logout to turn this off.

Stay Safe
Do not check this box if you are using a public computer. You don't want anyone seeing your personal info or messing with your site.
Ok, I got it
العودة الى الصفحة الرئيسيه
الهوى راح
وش بــلا دمعـتـك سـالـت يـمـال   الـذهــاب ..   ضـاع كـدك كـذا يـا مــال شـيـن   النصـيـب
ديــــرة عـمّــروهــا مْـبـلّـمـيـن   الــكـــلاب ..   لا يشـهّـيـك مـقـطــان عـلـيـهـا   خـصـيــب
الـقـط الـلـي تهـيّـا وانــت فــوق   الـركــاب ..   لا تنـوّخ وهـي بـيـن الصـعـب   والصعـيـب
قبـلـك مـربّـع فــي الـــروض حـيّــه   وداب ..   الخـضـر مــات والأصـفـر لـيـانـه   ذهـيــب
لا يجي الشيـب راسـك وانـت تـوّك شبـاب ..   والله انّ الخنـا ينبـت علـى الـراس   شـيـب
لا تـصـدّق ابــه حــبّ تــرى هــو ســراب ..   مـاه لـو طـال عـدوك مــا يخـضّـر   جـديـب
الهـوى راح مـع مــن راح مخـلـب   ونــاب ..   مابـقـى فــي ثـمـايـل جـمّــه الا   الـسـريـب
احـذر اللـي مــع الأســواق مـثـل   الــدوابّ ..   قـاصـرات المـشـالـح مـومـيـات   السـبـيـب
بنـدق العـود الاعـمـى مــا تـجـدّد   صــواب ..   لـو فشقهـا حمـر مـا طـاح منـهـا   صـويـب
ولا يعـوض السلَـم عـن بـاتـرات الـحـراب   ..   لا وربّ فــرق بـيــن الـعـــدو   والصـحـيـب
وان تـبـدّلـت صـارمـهـا بـسـلـك   الـربــاب .. والله انــك خبـيــث لابـــس ثـــوب   طـيــب
شـم عــن الـلـي طرفـهـا دايــر مــا يـغـاب   .. كـــلّ زول تـلـفّـــت لـــه بـنـظــرة   حـبـيــب
لا تـجـي مـثـل سالـفـة الـغـبـي   والـغــراب   .. يـوم وثـق بـه الـعـروة غــدا فــي   القلـيـب
لابن برمان طيـره فـي الهـدد ويـش   جـاب   ..   يالـمـبـلّـم تـعـلّــم مــــن يــــودّي   يـجـيــب
والـهـوى مــا يـطـهّـر لـلـعـذارى   جـــراب ..   ومـن يـرى غيـر هـذا عـدّ ملعـون   صـيـب
عرضهـن مثـل مصـقـول الـقـزازة مُـهـاب .. بصـمـة الأصـبـع الطـاهـر عليـهـا   تـعـيـب
حــطّ للـوقـت شلـفـا مـثـل شلـفـا   (ذيــاب) ..   درْ علـى مـن نسبـهـم مــا يفـشّـل   نسـيـب
لـيـث غــاب يــدوّر لبـوتـه وســط   غـــاب .. لا يـغّــرك شـــروق هـــو بـدايــة   مـغـيـب
در علـى بنـت حــرّ شــان حـظّـك   وخــاب ..   فـي ولدهـا لـيـا جــاء هقـوتـك مــا تخـيـب
ابنـة الـلاش لــو تسقـيـك حـلـو الـرضـاب   ..   ورعهـا يجيـك مثلـه مثـل غـصـن   رطـيـب
لا يـقـضّــي لــــزوم ولا يــوقّــر جــنـــاب   .. ولا يـقــوّي عـــزوم ولا يــــدوّر   طــلـيــب
انتبـه لا يـجـي عـقـب الثـبـات   اضـطـراب   .. وانتبه لا (خبيـب) المشـي يرجـع   (دبيـب)
مــن بـعـد ذا عـلـى نـيّـة وفــا وانـتـصـاب ..   ذروة الشـاهـق الـحـر الـعـلا يــــوم هـيــب
يـا هـل السمحـة الفجّـا النحـر مـن   عـراب .. والبطـايـن مـثـل جــوخ المـلـوك   السلـيـب
مـن ركـايـب ركـايـب مــن ركــاب   ركــاب .. مــن نجـايـب نجـايـب كــلْ نجـيـب نجـيـــب
مـا هـي مْـن الـذي ذبّــوا عليـهـا المـطـابّ   .. ليـن عــوّد نحـرهـا فــي ظهـرهـا   حطـيـب
مـن عطايـا الولـي ملـحـا تـشـقّ   الـرغـاب ..   مـا رعوهـا مسبّـرة السـلـق فــي الحـديـب
كنّـهـا عيـطـمـوس لابـســه بـشــت كـــاب ..   هزّت الخصر في سوق الهوى مـن   قريـب
مثـل مـن رقصوهـا جنـب (عمـرو   ديــاب) .. يوم ترمي الحيـا تحـت اسـم (فديـو   كليـب)
ذا لهـا اربـع سنـيـن مــا تـحـق   الـضـراب     .. حـايــل كــــنّ اذانـيـهــا مـفـاريـــد   ذيــــب
الـنـواظـر مـجـامـر ســمــر والا   شــهــاب   ..   نـظـرة مْحـنـشـل دون الجـهـامـة   عـزيــب
والخـشـيـم ادغـــم كـنــه طلـيـعـة   عـقــاب   ..   ويتـنـفّـس تـنـفّـاس الـشـجــاع   الـعـريــب
من فريـد الوحـش فيهـا الوصايـف   عْـذاب   ..   مـدمــع ومـسـمـع وفـــزّ وكـــزّ وجــذيــب
حـايــل كـــنّ اسافـلـهـا مـعـامــد   خــــراب .. وكـنّ اعالـي قـراهـا سـرحـة فــي   شعـيـب
والله انّ الـبـطـن لـــولا عـيـونـي   جْـــذاب   ..   مـا لمحتـه وهــو بـيـن الحـقـب   والحقـيـب
شــوف دقّ ابــرة الخـيّـاط تـحـت   الثـيـاب .. عندي اسهل ترى مـن شوفتـه يـا صهيـب
الحقب يـوم مسـوا بـه علـى البطـن   شـاب   ..   البـطـايـن طـبـايــن والمـحـاقـيـب   شــيــب
ملتـوي كنّـه القـوس القـزح فـي السـحـاب ..   يـوم خـيّـل عـلـى وجــه السـمـا   مستنـيـب
والشعف لا رهَـف واسْفـت عليـه   المهـابّ .. قــرن عمهـوجـة شـقـرا غــدا لــه   لهـيـب
طـبّـت الملعـبـة مــا مــن جـسـدهـا لـــذاب .. غيـر كـتـف وردف فــي المـلاعــب   لعـيـب
جـــادل فـــي مـخـيّـم رقّـصـوهــا شــبــاب .. واطربتهـا أغنـيـة (رهـيـب والله   رهـيـب)
العـبَـس يــوم حــزّب فــي شعـفـهـا   وراب .. دبْــس هجـريّـة فــي حُـقّـهـا يـــوم   ريـــب
كـــنّ لـجّــة سفايـفـهـا لــنــارت   تــســابّ .. خفّـهـا فــي متـيـن الـرمـل ينـحـب   نحــيـب
كنّـهـا يــوم تـلْـد الـصـوت تلـقـي   خـطــاب ..   وان قصـر صوتهـا اسمـع دقّــة   العندلـيـب
حلـو الايقـاع ترقـص لـه قـرون   الهضـاب ..   لـو سمعـه الجبـل فـي الحـال يقنـب   قنـيـب
مــا عـلـو كُـورهــا الا فـارعـيـن الـرقــاب .. ومــا علـوهـا عـلـى حــرد الـشــدادي ؟؟؟؟
ولا نقلنـا لهـا جـردا العصـا مــن   الـزهـاب ..   دوب نرجـع عليهـا الصـوت تهـذب هذيـب
روّحــت كنّـهـا الـبـرق الخـتـالـى   رْعـــاب   .. هازهـا مخلـب اشقـرْ فـي المهامـة   عطيـب
يــوم تـدبـح مــع الطلـعـات شــيّ عـجــاب .. ويـوم تسبـح مـع الـنـزلات شــيّ   عجـيـب
فــي السـهـل كنّـهـا يـخـت يـشـقّ   الغـبـاب ..   الهبـايـب هـــدنّ ومـايــج الـبـحـر   اديـــب
وفـي الوعـر لا ثنـت بالحيـل خــفّ   يــلابّ .. كنّـهـا السـيـل مــا قـدمـه يـحـطّـه حـزيــب
ولاادبــرت كنّـهـا عــن ديـنـهـا   تسـتـتـاب .. نـاحــرت دار الاســـلام المـسـمّـى مـنـيــب
ولا اقبـلـت كنّـهـا الشـامـان يــوم   المـقـابّ .. ورّدوه الطـنـايـا فـــي الـنـهـار الـعـصـيـب
لا ركبـهـا غـبـار الــدرب مـثـل   الخـضـاب .. فـي جديـل اسمـر الخدّيـن عيـن   القضـيـب
دوب اخلّـص كلامـي والحـق الـبـاب   بــاب .. لـهْـي قــد جــت بــردّه دون شــكّ   وريــب
لا ولا جــنّــي سْـلـيـمــانٍ لْــهـــا   يــنـــابّ   ..   لا ولا اللـي كشـف لـه ربّ الاربـاب   غيـب
أنــت مــا تسـمـع الله فــي ايــات   الكـتـاب .. يـوم يهـدي عـلـى الـبـل كــلّ قـلـب   لبـيـب
لا لفـح وجـه راكبهـا مــن الـشـوق   هــابّ ..   مـثـل فـايـح دخــان فــي ســراج   ضـبـيـب
يــا بــدر يــا سـلايـل محتـمـيـن   الـمــرابّ   ..   يــوم تسـمـع لجـيـش الفـارسـيـة   طـريــب
نصّهـا صـوب ولـد الـعـمّ وافــي   الحـسـاب ..   للمعكـلـي نـبـي ثــرّ الـذهـب يـــا   حـسـيـب
مـن صلايـب مدفّنـة الـركـب فــي   الـمـذابّ ..   شـمّـر الـيـا كـسـر حلـقـة حـريـب   حـريـب
قـل لتـركـي لـيـا مــنّ اشـقـر الـبـن   طــاب .. السبيـعـي عـلـى خـيــط المـهـالـك   مـثـيـب
مـن ثـوابـه عــذاب ومــن عـذابـه   ثــواب ..   يالله انــي دخيـلـك يــوم يـخـطــي يـصـيـب
فـي عيونـي سيـوف مــن سطـرهـا تـقـابّ   .. وفي خفوقـي يصيـح (مهلهـل) يـا   (كليـب)
صابنـي مـن بعـض فعـل الـرجـال   اكتـئـاب   ..   خـاطـري مــن ردى فعـلـة رفيـقـي   كئـيـب
الــرواســـي تـعــلّــى فـوقـهـنّــه   ذبـــــاب .. بهذلـتـنـا ليالـيـنــا وانـــا اخّـــو(   شـبـيـب)
يـا عزيـزي زمـانـك بــشّ نــوره   وغــاب .. مقفـي مثـل مـنـزوع البـلَـح مــن   عسـيـب
لــو نقـصّـر يديـنـا اغتصـبـنـا   اغـتـصـاب .. ولــو نـطـوّل يـديـنـا قـطّـنـا بـكــل   عـيـــب
يـا عزيـزي زمـانـك فــي سـؤالـه   جــواب ..   يسـأل وهـو ف نفـس الوقـت عنـا   يجـيـب
فــي إيـابـه ذهــاب وفـــي ذهـابــه   إيـــاب   ..   يـــا مـــدوّر ورا الــزلــة دْوَرْة   الـذهـيــب
الـلـيــالــي دول وايـامــهــنّــه   ضـــبــــاب ..   تصبح الصبح (قصر)وتمسي الليل (سيب)
لـو تزخـرف علـى وجــه الحقـايـق   نـقـاب   .. الحقـيـقـة لـهــا وجـــه قـفــو مـــا يـغـيـب
سـلّـة السـيـف مــا تـومـن بـلـيّـا   نـصــاب   ..   وشــذرة الـحـدّ مــا تمـسـك بلـيّـا   قضـيـب
يـا عزيـزي زمانـك لـو دمـث لــك   جـنـاب .. جـرّتـه مــا تخـلّـص وافـــي مـــن   هـلـيـب
قبلـك (العـود ابـو مخـطـر) كــلاه   الهـبـاب ..   رضّـعـتـه المـنـايـا مـــن ثـمـرهـا حـلـيــب
ثـبّـت الـزيـف فــي ثــوب مــن   الانـقــلاب ..   فـوق وجناتـه الاربـع (هـلال)   و(صلـيـب)
ولو عن اللي قسمه الـربّ الاعلـى   حجـاب ..   مـا مـشـى حــيّ الا وعــن يميـنـه طبـيـب
لا سـقــى الله زمـــان يرتقـبـنـا ارتــقـــاب ..   صـــار كـــلّ عـلـــى كـــلّ عـتــيـد   رقــيــب
ويـا سـقـى الله زمــان يــوم حـنـا   اتـحـابّ .. يـوم انـا جنـدي ويــوم انّ غـيـري   نقـيـب
بــسّ والله ولـــو ذقـنــا كـريــه الـشــراب .. مــا نبـيّـن لـعــشّ الـبــوم مـنــا   حـضـيــب
مــن تـكـلـم حثـيـنـا فـــي فـمــه   بـالـتـراب ..   ليـن ينـقـصّ حـبـل مــن غــروره   قطـيـب
مـن نبـاح الكـلاب ايـش بيضـر   السحـاب؟.. الـثـوابـت ثـوابــت والـذهـيــب   الـذهـيــب
ومن يبـي العـز ينـزل فـوق روس   القبـاب .. مـا يبـي الطيـب نشـدة شيـخ والا خطـيـب
يــا زمـــان الـخــدم ومصلّـحـيـن   الـكـبـاب .. مـا نبـي منـك غيـر السـتـر ولا   تستجـيـب